பாதாள உலகக் கும்பல்களுக்கு இடையே மோதல்கள் ஏற்படும் போது நாடாளுமன்ற உறுப்பினர்கள் ஏன் பயப்பட வேண்டும் என்று தேசிய மக்கள் சக்தி கட்சியின் நாடாளுமன்ற உறுப்பினர் லக்ஷ்மன் நிபுன ஆராச்சி கேள்வி எழுப்பினார்.
நாடாளுமன்ற உறுப்பினர்கள் பயப்படுகிறார்களானால், அது பாதாள உலகத்திற்கும் அரசியல்வாதிகளுக்கும் இடையே தொடர்புகள் இருப்பதை நிரூபிக்கிறது என்று அவர் தெரிவித்தார்.
“பாதாள உலகக் கும்பல்களுக்கு இடையே மோதல் இருந்தால்,நாடாள உறுப்பினர்களுக்கு ஏன் பாதுகாப்புத் தேட வேண்டும்? கீழ்த்தரமான கும்பல்கள் மோதும்போது நாடாளுமன்ற உறுப்பினர்கள் ஏன் பயப்படுகிறார்கள்? ஆளுங்கட்சி நாடாளுமன்ற உறுப்பினராக இருப்பதால், நான் பிலியந்தலை சந்தியில் தனியாக நடந்து செல்கிறேன். அப்படியானால், பாதுகாப்பின் அவசியத்தையும் நான் உணர வேண்டும்.
நான் பாதாள உலகத்துடன் தொடர்புகளைப் பேணுவதில்லை. நாடாளுமன்ற உறுப்பினர்கள் பயந்தால், அரசியல்வாதிகளுக்கும் பாதாள உலகத்திற்கும் தொடர்புகள் இருப்பதை இது நிரூபிக்கிறது,” என்று அவர் கூறினார்.
1980 ஆம் ஆண்டு ஜூலை மாதம் வேலைநிறுத்தத்தில் ஈடுபட்டவர்களை அடக்குவதற்கு அப்போதைய ஜனாதிபதி ஜே.ஆர். ஜெயவர்தன ஆட்சியில் பயன்படுத்தப்பட்ட சைக்கிள் சங்கிலி கும்பல்கள், இப்போது தற்போதைய பாதாள உலகமாக பரிணமித்துள்ளதாக அவர் மேலும் கூறினார்.
