ජපන් අග්රාමාත්ය ෂින්සෝ අබේ මහතාගේ ආරාධනයෙන් ජනාධිපති මෛත්රීපාල සිරිසේන මහතා අද ( මාර්තු මස 12 වැනි දින) සිට 17 වැනි දින දක්වා ජපානයේ නිල සංචාරයක නිරත වෙයි.
මාර්තු මස 13 වැනි දින ජපානයේ අකිහිතෝ අධිරාජයා බැහැදැකීමට නියමිත ජනාධිපති සිරිසේන මහතා මාර්තු මස 14 වැනි දින සමුළු සාකච්ඡා සඳහා අග්රාමාත්ය අබේ මහතා මුණගැසීමට ද නියමිතය.
ජපන් විදේශ වෙළෙඳ සංවිධානය (ජෙට්රෝ) විසින් සංවිධානය කරනු ලබන, ජපන් වාණිජ හා කර්මාන්ත මණ්ඩලය සහ තෝක්යෝ වාණිජ හා කර්මාන්ත මණ්ඩලය සම සත්කාරකත්වය දරන ව්යාපාරික රැස්වීමකට ජනාධිපති සිරිසේන මහතා සහභාගිවීමට නියමිත අතර, සෞඛ්ය හා වෛද්ය සේවාව වැඩිදියුණු කිරීමේ ව්යාපෘතියක් ක්රියාත්මක කිරීම සඳහා ශ්රී ලංකා රජය හා ජපන් අන්තර්ජාතික සහයෝගිතා නියෝජිතායතනය (ජයිකා) අතර යෙන් ණය ගිවිසුමක් අත්සන් කිරීමටද නියමිත බව වාර්තාවේ.