ශ්‍රී පාදස්ථානය “ගෞතම ශ්‍රී පාදස්ථානය” ලෙස නාම ගත කොට ඇති අතර එය රජයේ ගැසට් පත්‍රයයේ පළ කොට එමගින් ප්‍රකාශයට පත් කිරිමට සියළු කටයුතු යොදා ඇතැයි ගෞතම ශ්‍රි පාදස්ථානාධිපති, අතිපූජ්‍ය බෙංගමුවේ ධම්ම දින්න නා හිමියන් පැවසූහ.
උන්වහන්සේ මේ බව ප්‍රකාශ කර සිටියේ එළබෙන ශ්‍රී පාද වන්දනා වාරයේ සමාරම්භක දිනයේදී සිදු කිරිමට නියමිත සධාතුක කරඩුව, සමන් දේව ප්‍රතිමාව හා දේවාභරණ ඵෙතිහාසික ශ්‍රි පාදස්ථානය(ගෞතම ශ්‍රී පාදස්ථානය) දක්වා වැඩම කරවීමේ රිය පෙරහැර සංවිධානය කිරිම වෙනුවෙන් පැවැති රැස්වීමට සහභාගි වෙමිනි.
මෙම රැස්වීම රත්නපුර දිස්ත්‍රික් ලේකම් මාලනී ලොකුපෝතාගම මහත්මියගේ කැඳවීමෙන් රත්නපුර දිස්ත්‍රික් ලේකම් කාර්යාලයීය ශ්‍රවනාගාරයේදි පැවැතිණි.
Add Comment