යාපනයේ සිඳුවූ මංකොල්ල කෑම්වලට සම්බන්‍ධ යැයි සැකපිට කාන්තාවක් ඇතුළු දෙදෙනෙකු කෝප්පායි පොලීසිය විසින් අත්අඩංගුවට ගෙන තිබේ. පොලීසියට ලැබුණු තොරතුරක් මත විෂේශ කාර්‍ය බළකාය සිදු කළ වැටලීමකින් සැකකරුවන් අත්අඩංගුවට ගෙන තිබේ.
39 හැවිරිදි කාන්තාවක් සහ ඇයගේ සහෝදරියකුගේ පුතකු වන 18 හැවිරිදි තරුණයකු මෙලෙස අත්අඩංගුවට පත්ව තිබේ. ඔවුන් සතුව තිබී යතුරු පැදි දෙකක්, රන් ආභරණ, ලැප්ටොප් පරිගණක, ජංගම දුරකථන දහයක්, දුරකථන කාඩ්පත් තොගයක්ද සොයාගෙන තිබේ.
මෙලෙස සොයාගත් යතුරු පැදි දෙක, චුන්නාගම් සහ මානිප්පායි ප්‍රදේශවල අපරාධ ක්‍රියාවලට භාවිතා කළ යතුරු පැදි බව පොලිස්ථානාධිපති පැවැසීය. අත්අඩංගුවට පත්වූ සැකකරුවන්ගෙන් වැඩිදුර විමර්ශණ සිදුකරන බවත් අනතුරුව අධිකරණයට ඉදිරිපත් කිරීමට නියමිත බවද හෙතෙම පවසා සිටියේය.
Add Comment