இலங்கையில் வெள்ளை வான் கடத்தல்கள் தொடர்கின்றன – பெலிசி காயிர்

குளோபல் தமிழ்ச் செய்தியாளர் கொழும்பு

இலங்கையில் வெள்ளைவான் கடத்தல்கள் தொடர்வதாக சித்திரவதைகளுக்கு எதிரான சர்வதேச தன்னார்வ அமைப்பின் துணைத் தலைவர் பெலிசி காயிர் தெரிவித்துள்ளார்.தற்போது ஜெனீவாவில் நடைபெற்று வருகின்ற சித்திரவதைகளுக்கு எதிரான ஐக்கிய நாடுகள் அமைப்பின் கூட்டத் தொடரில் இலங்கை விவகாரங்கள் குறித்து மீளாய்வு செய்யப்பட்டு வரும் நிலையில், பெலிசி இந்தக் கருத்தை வெளியிட்டுள்ளார்.

2012ம் ஆண்டு முதல் 2016ம் ஆண்டு வரையிலான காலப்பகுதியில் தடுப்புக் காவலில் வைக்கப்பட்ட சந்தேக நபர்களை காவல்துறையினர் சித்திரவதை செய்த சம்பவங்கள் தொடர்பில் 100க்கும் மேற்பட்ட முறைப்பாடுகள் செய்யப்பட்டுள்ளதாகத் தெரிவித்துள்ளார்.