இலங்கை பிரதான செய்திகள்

கிழக்கில் பாரிய இனப் பிரச்சினையொன்றை ஏற்படுத்துவதற்கான முயற்சிகள் மேற்கொள்ளப்படுகின்றன :

habis

கிழக்கில்  பாரிய   இனப் பிரச்சினையொன்றை  ஏற்படுத்துவதற்கான  முயற்சிகள்  சிலரால்  திட்டமிட்ட  வகையில் முன்னெடுக்கப்பட்டு வருவதாக கிழக்கு மாகாண முதலமைச்சர் ஹாபிஸ் நசீர் அஹமட் தெரிவித்தார்.  இந்த சதிகாரர்களுக்கு  கிழக்கில் உள்ள சில  அரசியல்வாதிகளும் ஒத்துழைப்பு வழங்குவது     தற்போது வெளிப்பட்டு வருவதுடன் அவர்களின்  உண்மையான  முகங்களை மக்கள்  அடையாளங்காண்பதற்கு  இதுவே  சரியான தருணம் எனவும்  அவர் குறிப்பிட்டுள்ளார்.

தற்போது  கிழக்கில் தலைதூக்கியுள்ள இனவாதம்தொடர்பில் வினவப்பட்ட போதே  முதலமைச்சர் ஹாபிஸ்  நசீர் அஹமட் தெரிவித்தார்.  அம்பாறை மற்றும்  திருகோணமலை  மாவட்டங்களில்  தமிழ்  முஸ்லிம் மக்களின்  பூர்விக பகுதிகளில்  ஆங்காங்கே  திடீரென  முளைக்கும் புத்தர் சிலைகள் மற்றும்  மட்டக்களப்பில்  பலவந்தமாக பௌத்த குடியேற்றங்களை நிறுவ  முனைதல்  ஆகிய விடயங்கள் சிறுபான்மை மற்றும் பெரும்பான்மை மக்களிடையே திட்டமிட்ட  வகையில்   மோதலை  ஏற்படுத்த முன்னெடுக்கப்படும் சதித்திட்டங்கள் எனவும் ஹாபிஸ் நசீர் அஹமட் தெரிவித்துள்ளார்.

யுத்தத்தைக் காட்டி தமது பிழைப்பை நடத்திய அரசியல்வாதிகளுக்கு யுத்தமொன்று இல்லாத போது தமக்கு அரசியல் நடத்துவதற்கு முடியாது  என்ற யதார்த்தத்தை உணர்ந்து கொண்டு இனங்களிடையே விரிசலை ஏற்படுத்துவதற்கான முயற்சிகளை தொடர்ந்து வருவதாக முதலமைச்சர் சுட்டிக்காட்டினார்.  இவ்வாறான செயற்பாடுகளை  அரசாங்கம்   முளையிலேயே கிள்ளி எறிய வேண்டும் எனவும் இனவாத செயற்பாடுகளை முன்னெடுப்போருக்கு எதிராக சட்டங்களை கடுமையாக்க வேண்டும் எனவும் முதலமைச்சர் ஹாபிஸ் நசீர் அஹமட் குறிப்பிட்டார்.

சமூக வலைத்தளங்களில்  இன முரண்பாடுகளை ஏற்படுத்தும் விதமாக பல்வேறு கருத்துக்கள் கொண்டு செல்லப்படுவதாகவும் போலியான கருத்துக்களை மக்களிடையே கொண்டு சென்று அவர்களை குழப்பத்துக்கு உட்படுத்தி இலாபங்களை பெறுவதற்காகவே இவ்வாறான விடயங்கள் முன்னெடுக்கப்படுவதாகவும் அஹமட் கூறினார்.

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.