குளோபல் தமிழ்ச் செய்தியாளர்
அவுஸ்திரேலிய பிக்பேஸ் இருபதுக்கு 20 போட்டித் தொடரில் வேகப் பந்து வீச்சாளர் சேன் அப்போட் சாதனை படைத்துள்ளார். பிக்பேஸ் வரலாற்றில் அவுஸ்திரேலிய வீரர் ஒருவர் பதிவு செய்த மிகச் சிறந்த பந்து வீச்சுப் பெறுதியை சேன் அப்போட் பதிவு செய்துள்ளார்.
அடிலெய்ட் ஸ்ரைக்கர்ஸ் அணிக்கு எதிரான போட்டியில் அப்போட் 16 ஓட்டங்களுக்கு ஐந்து விக்கட்டுகளை வீழ்த்தியுள்ளார். அவுஸ்திரேலிய வீரர் ஒருவர் பிக்பேஸ் போட்டித் தொடரில் ஈட்டிய மிகச் சிறந்த பந்து வீச்சுப் பெறுமதி இதுவென்பது குறிப்பிடத்தக்கது. 23 ஓட்டங்களுக்கு ஐந்து விக்கட்டுகளை நெதன் லயன் வீழ்த்தியிருந்தமையே இதுவரை காலமும் சாதனையாக காணப்பட்டது.
இந்தப் போட்டியில் அப்போட் பிரதிநிதித்துவம் செய்த சிட்னி சிக்கஸ்ர் அணி வெற்றியீட்ட முடியவில்லை என்பது குறிப்பிடத்தக்கது. எவ்வாறெனினும், பிக்பேஸ் போட்டித் தொடரில் சிறந்த பந்து வீச்சுப் பெறுதி என்ற சாதனை இன்னமும் இலங்கை வீரர் லசிந்த மாலிங்க வசம் காணப்படுகின்றது.
லசித் மாலிங்க போட்டியொன்றில் 7 ஓட்டங்களுக்கு ஆறு விக்கட்டுகளை வீழ்த்தியிருந்தார் என்பது குறிப்பிடத்தக்கது. 2014ம் ஆண்டு அப்போட் வீசிய பந்து ஒன்று பட்டதன் காரணமாகவே பில் ஹக்ஸ் உயிரிழந்தார் என்பது குறிப்பிடத்தக்கது.
