குதிரைப் பந்தய போட்டிகளில் அதிக வெற்றிகளை ஈட்டிக் கொடுத்த பயிற்றுவிப்பாளராக ஓ பிரையன் சாதனை

குளோபல் தமிழ்ச் செய்தியாளர்
குதிரைப் பந்தய போட்டிகளில் அதிகளவு வெற்றிகளை ஈட்டிக்கொடுத்த பயிற்றுவிப்பாளர் என்ற சாதனையை அயர்லாந்து பயிற்றுவிப்பாளர் எய்டான் ஓ பிரையன் (Aidan O’Brien)  படைத்துள்ளார். பிரித்தானியாவின், டொன்காஸ்டரில் நடைபெற்ற ரேஸிங் போஸ்ட் கிண்ண குதிரைப் பந்தய போட்டியில் 25 வெற்றியாளர்களை உருவாக்கி இந்த சாதனையை படைத்துள்ளார்.

சாதனை படைக்கக் கிட்டியமை மகிழ்ச்சி அளிப்பதாகவும், நம்ப முடியவில்லை எனவும் பிரையன் தெரிவித்துள்ளார். கடின உழைப்பே இந்த வெற்றிகளின் அடிப்படை இரகசியம் என அவர் குறிப்பிட்டுள்ளார். திறமையான பந்தய வீரர்களுடன் பணியாற்ற கிட்டியமை மகிழ்ச்சி அளிப்பதாகத் தெரிவித்துள்ளார்.