கிரேக்க புகலிடக் கோரிக்கையாளர்கள் போராட்டத்தில் குதித்துள்ளனர்

குளோபல் தமிழ்ச் செய்தியாளர்

கிரேக்க புகலிடக் கோரிக்கையாளர்கள் போராட்டத்தில் குதித்துள்ளதாகத் தெரிவிக்கப்படுகிறது. கிரேக்கத்தில் தங்க வைக்கப்பட்டுள்ள புகலிடக் கோரிக்கையாளர்கள் தங்களை ஜெர்மனிக்கு அனுப்பி வைக்குமாறு கோரியுள்ளனர். குறிப்பாக சிரிய நாட்டு பெண்கள் மற்றும் குழந்தைகள் அதிகளவில் உணவு தவிர்ப்புப் போராட்டமொன்றை முன்னெடுத்துள்ளனர்.

சில புகலிடக் கோரிக்கையாளர்கள் ஓராண்டுக்கு மேல் கிரேக்கத்தில் தங்க வைக்கப்பட்டுள்ளதாகத் தெரிவித்துள்ளனர். தங்களது குடும்பங்களுடன் இணைத்து வைக்குமாறு குறித்த புகலிடக் கோரிக்கையாளர்கள் கோரிக்கை விடுத்துள்ளனர். இதேவேளை, உரிய முறையில் புகலிடக் கோரிக்கையாளர்கள் கவனிக்கப்படுவதாகவும், குற்றச்சாட்டுக்களை நிராகரிப்பதாகவும் கிரேக்க நிர்வாகம் தெரிவித்துள்ளது.