குளோபல் தமிழ்ச் செய்தியாளர்
திட்டமிட்டவாறு நியூயோர்க் மரதன் ஓட்டப் போட்டி இன்றைய தினம் நடைபெறும் என தெரிவிக்கப்படுகிறது. நியூயோர்க்கில் ட்ரக் தாக்குதல் இடம்பெற்ற நிலையில், போட்டி திட்டமிட்டவாறு நடைபெறும் என ஏற்பாட்டாளர்கள் அறிவித்துள்ளனர். பிரபல நியூயோர்க் மரதன் ஓட்டப் போட்டியில் சுமார் 50,000 போட்டியாளர்கள் பங்கேற்பார்கள் என்பது குறிப்பிடத்தக்கது. போட்டியை ஒத்தி வைப்பதற்கோ அல்லது ரத்து செய்வதற்கோ அவசியம் இருக்காது என போட்டி ஏற்பாட்டாளர்கள் தெரிவித்துள்ளனர்.
47 ஆண்டுகளாக நடைபெற்று வரும் நியூயோர்க் மதரன் ஓட்டப் போட்டி ஒரே ஒரு தடவை மட்டுமே ரத்து செய்யப்பட்டது. 2012ம் ஆண்டில் ஏற்பட்ட கடுமையான புயல் காற்று காரணமாக இந்தப் போட்டி நிகழ்வு ரத்து செய்யப்பட்டிருந்தது. 2001 செப்ரெம்பர் 11 தாக்குதல் நடத்தப்பட்ட ஆண்டிலும் மரதன் ஓட்டப் போட்டி நடத்தப்பட்டிருந்தது எனவும் சுட்டிக்காட்டப்பட்டுள்ளது
