சர்வதேச ஒலிம்பிக் பேரவை மீண்டும் ரஸ்ய வீர வீராங்கனைகளுக்கு தடை

குளோபல் தமிழ்ச் செய்தியாளர்
சர்வதேச ஒலிம்பிக் பேரவை மீண்டும் ரஸ்ய வீர வீராங்கனைகளுக்கு தடை விதித்துள்ளது. ரஸ்யாவின் இரண்டு க்ராஸ் கன்ட்ரீ ஸ்கைடைவ் வீராங்கனைகளுக்கு ஆயுட்காலத் தடை விதித்துள்ளது.  யூலியா சேக்கலேவா  (Yulia Chekaleva ) மற்றும   அனஸ்தேசியா டொட்செங்கேர் ( Anastasia Dotsenko  )      ஆகிய வீராங்கனைகளே இவ்வாறு தடை விதிக்கப்பட்டவர்களாவர்.
சோச்சி குளிர்கால ஒலிம்பிக் போட்டியில் இந்த இரண்டு வீராங்கனைகளும் பங்கேற்றிருந்தமை குறிப்பிடத்தக்கது.

ரஸ்யாவின் மற்றுமொரு பனிச்சறுக்கு வீராங்கனையான ஓல்கா ஜெய்ட்ஸ்வா ( Olga Zaytseva     ) க்கும் ஆயுட்காலத் தடை விதிக்கப்பட்டுள்ளது. ஊக்க மருந்து பயன்பாடு குறித்த விதிகளை இவர்கள் மீறியதாகவே இவ்வாறு குற்றம் சுமத்தப்பட்டுள்ளது.