பங்களாதேஸ் முக்கோண ஒருநாள் போட்டித் தொடர் ஒன்றை நடாத்த உள்ளது

குளோபல் தமிழ்ச் செய்தியாளர்
பங்களாதேஸ் நீண்ட இடைவெளியின் பின்னர் முக்கோண ஒருநாள் போட்டித் தொடர் ஒன்றை நடாத்த உள்ளது. எதிர்வரும் ஜனவரி மாதம் இந்த முக்கோண ஒருநாள் போட்டித் தொடர் நடத்தப்பட உள்ளது.  பங்களாதேஸ், இலங்கை மற்றும் சிம்பாப்வே ஆகிய நாடுகள் இந்தப் போட்டித் தொடரில் பங்கேற்க உள்ளன.

எதிர்வரும் ஜனவரி மாதம் 27ம் திகதி இந்தப் போட்டித் தொடரின் இறுதிப் போட்டி நடைபெறவுள்ளது. இந்தப் போட்டித் தொடரின் பின்னர் இலங்கையுடன் இரண்டு டெஸ்ட் போட்டிகளில் பங்களாதேஸ் மோத உள்ளது. பங்களாதேஸில் கடந்த 2010ம் ஆண்டின் பின்னர் முக்கோண ஒருநாள் போட்டித் தொடர் எதுவும் நடத்தப்படவில்லை என்பது குறிப்பிடத்தக்கது.