கோச்சடையான் தயாரிப்பாளர் சுனந்தா முரளி மனோகர் புற்றுநோயால் மரணம்….

சுப்பர்ஸ்ரார் ரஜனிக்காந் நடித்த கோச்சடையான் பட தயாரிப்பாளரான சுனந்தா முரளி மனோகர் புற்றுநோயால் மரணம் அடைந்துள்ளார். சுனந்தா முரளி மனோகர் கோச்சடையான், இயக்குனர் சங்கரின் ஜீன்ஸ், ஜோடி, மின்னலே, இன்ஃபெர்னோ, சஜ்னி உள்ளிட்ட படங்களை தயாரித்தவர். லண்டனில் வசித்து வந்த அவர் இந்தியாவின் பல இடங்களுக்கும் பயணம் செய்து கொண்டு பல மொழிகளில் படங்களை தயாரித்திருந்தார். இந்நிலையில் சுனந்தாவுக்கு புற்றுநோய் முற்றிய நிலையில் இருந்தமை கடந்த 6 மாதங்களுக்கு முன்பு கண்டுபிடிக்கப்பட்து. ஆறு மாதங்களாக புற்றுநோயுடன் போராடி வந்த சுனந்தா சிகிச்சை பலனின்றி நேற்று காலை உயிர் இழந்துள்ளார் என தெரிவிக்கப்பட்டுள்ளது.