டெஸ்ட் போட்டிகளிலும் மத்யூஸ் பங்கேற்கக்கூடிய சாத்தியம் குறைவு

குளோபல் தமிழ்ச் செய்தியாளர்
பங்களாதேஸ் அணிக்கு எதிரான டெஸ்ட் கிரிக்கட் போட்டிகளிலும் , நட்சத்திர வீரர் அன்ஜலோ மத்யூஸ் பங்கேற்கக்கூடிய சாத்தியங்கள் குறைவாகக் காணப்படுவதாகத் தெரிவிக்கப்படுகிறது. தசை பிடிப்பு உபாதையினால் பாதிக்கப்பட்டுள்ள மத்யூஸ் முக்கோண ஒருநாள் போட்டித் தொடரின் எஞ்சிய போட்டிகளில் பங்கேற்க மாட்டார் என அறிவி;க்கப்பட்டுள்ளது.

அண்மையில் பங்களாதேஸ் அணிக்கு எதிராக நடைபெற்ற சர்வதேச ஒருநாள் போட்டியின் போது மத்யூஸ் உபாதைக்கு உள்ளானார். அதன் பின்னர் நடத்தப்பட்ட மருத்துவ பரிசோதனைகளின் அடிப்படையில் ஒருநாள் போட்டித் தொடரில் பங்கேற்க வாய்ப்பில்லை என அறிவிக்கப்பட்டிருந்தது. இந்த நிலையில் தற்போது மத்யூஸ் டெஸ்ட் கிரிக்கட் போட்டிகளிலும் பங்கேற்கபதில் சிக்கல் நிலைமை காணப்படுவதாக இலங்கை அணி தகவல்கள் தெரிவிக்கின்றன.