பிரபல பொலிவூட் நடிகை பிரியங்கா சோப்ராவுக்கு கௌரவம் வழங்கப்பட்டுள்ளது. கடந்த ஆண்டு ஒஸ்கர் விருது வழங்கும் விழாவில் பிரியங்கா சோப்ராசிறிது நேரம் தொகுப்பாளராக செயல்பட்டார்.
இந்திய நடிகைகளில் இந்த கௌரவம் முதன் முதலாக பிரியங்கா சோப்ராவுக்கு தான் வழங்கப்பட்டிருந்தது அதனைத் தொடர்ந்து இந்த ஆண்டும் ஒஸ்கர் விருதுக்கு பரிந்துரைக்கப்படும் படங்களின் பட்டியலை வெளியிடும் வாய்ப்பும் அவருக்கு வழங்கப்பட்டுள்ளது. பொதுவாக ஹொலிவுட்டின் முன்னணி நடிகைகளுக்கே வழங்கப்பட்டு வரும் இந்த வாய்ப்பு பிரியங்கா சோப்ராவுக்கு வழங்கப்பட்டுள்ளமை குறிப்பிடத்தக்கது.
ஒஸ்கர் விருது வழங்கும் விழா எதிர்வரும் மார்ச் மாதம் 4-ம் திகதி நடைபெறவுள்ளது. இந்த விருதுக்கு அதிகளாவான படங்கள் விண்ணப்பித்துள்ள நிலையில் அவற்றிலிருந்து விருது போட்டிக்கு தகுதியான படங்களை ஒஸ்கர் விருது தேர்வு கமிட்டி தேர்வு செய்துள்ளது. பின்னர் இந்தப் படங்களில் இருந்து சிறந்த படங்கள், கலைஞர்கள் தேர்ந்தெடுக்கப்பட்டு விருதுகள் அறிவிக்கப்படும். இந்தப் பரிந்துரை படங்கள் அறிவிப்பு நிகழ்ச்சியில் பிரியங்கா சோப்ராவுடன் ஹொலிவூட் நடிகைகள் ரொசாரியோ டான்சன், ரிபெல் வில்சன், மச்செல் யோ, மிச்சல் ரோட்ரிக்ஸ் ஆகியோரும் கலந்து கொள்கிறார்கள் என்பது குறிப்பிடத்தக்கது. ஹொலிவூட் தொடர்களில் நடித்து வரும் பிரியங்கா சோப்ரா, இந்தியாவின் அதிகம் சம்பாதிக்கும் நடிகையாகவும் உள்ளார் என்பது குறிப்பிடத்தக்கது
