உலகம் பிரதான செய்திகள்

ஒரு வாரத்தில் 6 பில்லியன் டொலர் வரை இழந்த mark zuckerberg..!

கடந்த ஒரு வாரத்தில் பங்கு வர்த்தகத்தில் இந்திய மதிப்பில் 6 பில்லியன் டொலரை mark zuckerberg இழந்து இருப்பதாக மதிப்பிடப்பட்டுள்ளது. எதிர் வரும் நாட்களில் இதன் மதிப்பும் இன்னும் அதிகம் ஆகும் எனக் கூறப்படுகிறது.

கேம்பிரிட்ஜ் அனாலிட்டிக்கா நிறுவனம் 50 மில்லியன் பேஸ்புக் பயனாளர்களின் கணக்கில் இருக்கும் தகவல்களை முறையின்றி சோதனை செய்து திருடி இருக்கிறது. பேஸ்புக் நிறுவனம் அதன் பயனாளிகளிடம் எந்த அனுமதியும் கேட்காமலே இந்த சோதனைக்கு அனுமதி வழங்கியதாக குற்றச்சாட்டு எழுந்துள்ளது. இந்த முறைகேட்டை பிரபல சனல் 4 தொலைக்காட்சி கண்டுபிடித்தது. அவர்கள் நடத்திய ஸ்டிங் ஒபரேஷன் மூலம் கேம்பிரிட்ஜ் அனாலிட்டிக்கா நிறுவனம் பேஸ்புக்கில் மக்களின் தகவல்களை திருடியது கண்டுபிடிக்கப்பட்டது.

இதனால் சமூக வலைதளத்தில் டிலிட் பேஸ்புக் என்ற சொற்பதம் பிரபல்யமானது. பலரும் பேஸ்புக் அப்ளிகேஷனை தங்கள் மொபைலில் இருந்து நீக்கினார்கள். பெரிய பிரபலங்கள் தங்கள் கணக்கை முடித்துக் கொண்டு பேஸ்புக்கில் இருந்து விலகினார்கள்.

இதனால் தற்போது பங்கு வர்த்தகத்தில் 3 சதவிகிதம் வரை தினமும் பேஸ்புக் நிறுவனத்திற்கு இழப்பு ஏற்பட்டு இருக்கிறது. முதல் நாள் 1 லட்சம் கோடி ரூபாய் வரை இழப்பு ஏற்பட்டது. mark zuckerberg மன்னிப்பு கேட்டு, பேஸ்புக்கில் தகவல் திருடப்பட்டதை ஒப்புக்கொண்ட பின் இழப்பு 3 லட்சம் கோடி ருபாவாக அதிகரித்து உள்ளது.

mark zuckerberg சொத்து மதிப்பும் மொத்தமாக குறைந்து இருக்கிறது. இந்த நிலைமை இன்னும் தொடர்ந்தால் அடுத்த ஒரு வாரத்தில் மார்க் மிக அதிகமான தொகையை இழக்க நேரிடும் என்று கூறப்பட்டு இருக்கிறது.

மேலும் பேஸ்புக் காரணமாக இன்னும் சில சமூக வலைதளங்களுக்கும் பெறுமதி குறைந்து இருக்கிறது. ருவிட்டர், ஸ்னாப்சொட், வட்ஸ் அப், இன்ஸ்டாகிராம் ஆகிய நிறுவனங்கள் மொத்தமாக 10 சதவிகிதம் வரை வீழ்ச்சியை சந்தித்தது. பேஸ்புக்கை டிலிட் செய்யும் வழக்கம் தொடர்ந்தால் இதில் இன்னும் கூட வீழ்ச்சி ஏற்படலாம் என தெரிவிக்கப்படுகிறது.

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.