கட்டுநாயக்க விமான நிலைய பணியாளர்களால் மேற்கொள்ளப்பட்ட எதிர்ப்பு நடவடிக்கை முடிவுக்கு வந்துள்ளதாக தெரிவிக்கப்பட்டுள்ளது.துறையுடன் தொடர்புடைய அமைச்சர்களுக்கும் ஊழியர்களுக்கும் இடையில் நடைபெற்ற பேச்சுவார்த்தையில் ஏற்பட்ட இணக்கப்பாட்டிற்கு அமைய போராட்டம் தற்காலிகமாக கைவிடப்பட்டுள்ளதாக தெரிவிக்கப்பட்டுள்ளது.
கட்டுநாயக்க விமான நிலையத்தில் பதற்ற நிலைமை
Apr 3, 2018 @ 09:51
குளோபல் தமிழ்ச் செய்தியாளர்
கட்டுநாயக்க விமான நிலையத்தில் பதற்ற நிலைமை ஏற்பட்டுள்ளதாகத் தெரிவிக்கப்படுகிறது. கட்டுநாயக்க விமான நிலையப் பணியாளர்கள் நடத்தி வரும் போராட்டம் காரணமாக இவ்வாறு பதற்ற நிலைமை ஏற்பட்டுள்ளது. விமான நிலையத்தின் பிரதான நுழைவாயில் பகுதி முடக்கப்பட்டுள்ளதாகத் தெரிவிக்கப்படுகிறது.
முக்கிய பிரபுக்களுக்கான பகுதிகளையும் போராட்டக்காரர்கள் முடக்கியுள்ளனர். சம்பள உயர்வு கோரியே இவ்வாறு போராட்டம் முன்னெடுக்கப்பட்டு வருவதாகத் தெரிவிக்கப்படுகிறது.போராட்டம் காரணமாக விமான பயணிகள் பாதிக்கப்பட்டுள்ளதாகத் தெரிவிக்கப்பட்டுள்ளது.
