277
குளோபல் தமிழ்ச் செய்தியாளர்..
நாட்டின் பல பகுதிகளில் இன்றைய தினமும் மழை பெய்யக் கூடும் என வளிமண்டலவியல் திணைக்களம் எதிர்வு கூறியுள்ளது. நாட்டின் அநேக பகுதிகளில் பிற்பகல் 2.00 மணியின் பின்னர் மழை பெய்யக் கூடும் என எதிர்வு கூறியுள்ளது. அத்துடன் இடி மின்னல் தாக்குதல் குறித்து மக்கள் விழிப்புடன் இருக்க வேண்டுமென கோரிக்கை விடுக்கப்பட்டுள்ளது.
மேல், வடமேல், சபரகமுவ, தென், மத்திய மற்றும் ஊவா மாகாணங்களிலும் அனுராதபுரத்திலும் சில பகுதிகளில் 100 மில்லிமீற்றருக்கும் மேல் மழை பெய்யும் என வளிமண்டலவியல் திணைக்களம் அறிவித்துள்ளது. இதேவேளை, இன்று நண்பகல் 12.10 அளவில் வட்டுக்கோட்டை, சுன்னாகம் போன்ற பகுதிகளுக்கு சூரியன் உச்சம் கொடுக்கும் என தெரிவிக்கப்படுகிறது.
Spread the love
