கடுமையான வெப்பநிலையுடன் கூடிய காலநிலை நீடிக்கும் என எச்சரிக்கை…

குளோபல் தமிழ்ச் செய்தியாளர்…

இன்றைய தினம் நாடு முழுவதிலும் கடுமையான வெப்பநிலையுடன் கூடிய காலநிலை நீடிக்கும் என எச்சரிக்கை விடுக்கப்பட்டுள்ளது. வளிமண்டலவியல் திணைக்களத்தினால் இந்த எச்சரிக்கை விடுக்கப்பட்டுள்ளது. வடக்கு, வடமத்திய மற்றும் கிழக்கு மாகாணங்களில் கடுமையான வெப்பநிலை ஏற்படக்கூடும் என தெரிவிக்கப்படுகிறது. மாத்தறை மற்றும் ஹம்பாந்தோட்டை மாவட்டங்களிலும் இந்த நிலைமை நீடிக்கும் என தெரிவிக்கப்படுகிறது. பொலனறுவை மாவட்டத்திலும் கடுமையான வெப்பநிலை காணப்படும் என எச்சரிக்கை விடுக்கப்பட்டுள்ளது. சிறுவர்கள் மற்றும் முதியவர்களை அதிக நேரம் வெயிலில் இருக்கக் கூடாது எனவும், அதிகளவில் நீர் பருக வேண்டுமெனவும் ஆலோசனை வழங்கப்பட்டுள்ளது. இதேவேளை, நாட்டின் சில பகுதிகளில் இன்றைய தினம் பிற்பகல் அல்லது மாலையில் மழை பெய்யக் கூடும் என தெரிவிக்கப்படுகிறது.