ஐபிஎல் தொடரில் அதிக சிக்ஸர் அடித்த வீரர்கள் பட்டியலில் சென்னை சூப்பர் கிங்ஸ் அணியின் தலைவர் டோனி முதலிடத்திற்கு முன்னேறியுள்ளார். ஐபிஎல் டி-20 கிரிக்கெட் 11வது சீசன் நடந்து வருகின்ற நிலையில் இதுவரை 9 போட்டிகளில் விளையாடியுள்ள சென்னை சூப்பர் கிங்ஸ் அணி, 6 போட்டிகளில் வெற்றி பெற்று புள்ளிப்பட்டியலில் இரண்டாவது இடத்தில் உள்ளது.
புள்ளிப்பட்டியலில் இரண்டாவது உள்ள சென்னை அணி இந்த பருவகாலத்தில் அதிக சிக்சர்கள் அடித்துள்ள அணிகளிலும் முதலிடத்தில் உள்ளது.
அந்தவகையில் இதுவரை நடந்துள்ள 9 போட்டிகளில் 24 சிக்சர்களை அடித்துள்ள டோனி அதிக ஓட்டங்களை அடித்தவர்கள் பட்டியலில் 329 ஓட்டங்களுடன் நான்காவது இடத்தில் உள்ளார். மேலும் சிக்சர்கள் அடித்த வீரர்கள் பட்டியலில் அவர் முதல் இடத்தில் உள்ளார். இதன்மூலம் இந்த ஐபிஎல் தொடரில் கிறிஸ் கெயில், டிவில்லியர்ஸ், ரசல் ஆகியோரின் சாதனைகளை டோனி முறியடித்துள்ளார் என்பது குறிப்பிடத்தக்கது
