குஜராத்தில் போர் விமானம் விபத்துக்குள்ளானதில் அதிகாரி உயிரிழப்பு

குஜராத் மாநிலத்தில் போர் விமானம் ஒன்று விழுந்து ஏற்பட்ட விபத்தில் விமானத்தை இயக்கிய அதிகாரி ஒருவர் உயிரிழந்துள்ளார்.  குஜராத் மாநிலத்தின் ஜாம்நகர் விமானப்படை தளத்தில் இருந்து நேற்று காலை பயிற்சிக்காக புறப்பட்ட ஜாகுவார் ரக போர் விமானம் புறப்பட்ட சிறிது நேரத்திலேயே வயல்வெளி ஒன்றில் விழுந்து நொருங்கியதாக தெரிவிக்கப்பட்டுள்ளது

விமானத்தின் பாகங்கள் கிராமத்தின் புறநகர் பகுதியில் நீண்டதூரத்துக்கு சிதறி விழுந்ததில் வயலில் மேய்ந்துகொண்டிருந்த பல பசு மாடுகள் உயிரிழந்துள்ளதாகவும் தெரிவிக்கப்பட்டுள்ளது. இந்த விபத்துக்கான காரணம் தெரியவில்லை என்பதுடன் இதுகுறித்து விசாரணைக்கு உத்தரவிடப்பட்டுள்ளதுடன் அந்த பகுதி முழுவதும் பாதுகாப்பு அதிகாரிகளின் கட்டுப்பாட்டின் கீழ் கொண்டுவரப்பட்டுள்ளதாகவும் தெரிவிக்கப்பட்டுள்ளது