உலகக் கோப்பை கால்பந்து தொடர் – இறுதிப்பயிற்சிப் போட்டியில் இங்கிலாந்து , போர்ச்சுக்கல் அணிகள் வெற்றி

உலகக் கோப்பை கால்பந்து தொடருக்கான இறுதிப்பயிற்சிப் போட்டியில் இங்கிலாந்து, போர்ச்சுக்கல் அணிகள் வெற்றி பெற்றுள்ளன. எதிர்வரும் 14ம் திகதி ரஸ்யாவில் ஆரம்பமாகவுள்ள உலகக் கோப்பை கால்பந்து தொடருக்கு முன்னதாக அதில் பங்கேற்கும் அணிகள் பயிற்சிப் போட்டியில் விளையாடி வருகின்றன.

அந்தவகையில் நேற்று நடைபெற்ற ஒரு போட்டியில் இங்கிலாந்து அணி தனது கடைசிப் பயிற்சிப் போட்டியில் கொஸ்ராரிகா அணியை எதிர்கொண்டு 2-0 என வெற்றி பெற்றது.மற்றொரு போட்டியில் போர்ச்சுக்கல் அணி அல்ஜிரியாவை எதிர்கொண்டு 3-0 என வெற்றி பெற்றது.

இந்தநிலையில் இங்கிலாந்து அணி 18ம் திகதி உலகக் கோப்பையில் தனது முதல் போட்டியில் துனிசியாவை எதிர்கொள்ளவுள்ள நிரையில் கொஸ்ராரிகா அணி 17ம் திகதி செர்பியாவையும் எதிர்கொள்ளவுள்ளன.அதேவேளை போர்ச்சுக்கல் 15ம் திகதி தனது முதல் போட்டியில் ஸ்பெயினை எதிர்கொள்கிறது.