நுண் கடன் திட்டத்திற்கு எதிராக கிளிநொச்சியில் ஆர்ப்பாட்டம்

குளோபல் தமிழ்ச் செய்தியாளர்

நுண் கடன் திட்டத்தினால் ஏற்படும் பாதிப்புக்களை குறிப்பாக பெண்கள் நுண் கடன் பொறிக்குள் சிக்கி தவிக்கும் நிலையினை தவிர்க்கும் வகையிலும் கிளிநொச்சியில் ஆர்ப்பாட்ம் ஒன்று முன்னெடுக்கப்பட்டுள்ளது. இன்று(14-06-2018) காலை 10.30 மணியளவில் குறித்த போராட்டம் ஆரம்பமானது. கிளிநொச்சி  கரடிபோக்கு சந்தியிலிருந்து ஆரம்பிக்கப்பட்ட பேரணி கிளிநொச்சி மாவட்ட செயலகம் வரை சென்று அங்கு கவன ஈர்ப்பு போராட்டம் ஒன்று முன்னெடுக்கப்பட்டது.

குறித்த திட்டத்திற்கு எதிர்ப்பு தெரிவித்தும், மாற்று திட்டங்களை வங்கிகள் ஊடாக மக்களிற்கு வழங்க கோரியும் மக்கள் குறித்த போராட்டத்தில் ஈடுபட்டனர். இதன்போது மாவட்ட செயலகம் ஊடாக மத்திய வங்கி மற்றும் ஜனாதிபதி, பிரதமர் உள்ளிட்டோருக்கு மகஜரும் வழங்கப்பட்டமை குறிப்பிடதக்கதாகும்.