இன்றைய உலகக்கிண்ண கால்பந்துப் போட்டி – பிரான்ஸ் – உருகுவே அணிகள் காலிறுதிக்கு முன்னேற்றம்

ரஸ்யாவில் நடைபெற்று வரும் உலகக்கிண்ண கால்பந்துப் போட்டியில் 32 அணிகள் கலந்துகொண்ட தொடரில் லீக் சுற்றின் முடிவில் 16 அணிகள் நொக்-அவுட் சுற்றுக்கு தகுதிபெற்றன. இந்தநிலையில் இன்று இரண்டு நொக்அவுட் போட்டிகள் நடைபெற்ற நிலையில் முதல் இடம்பெற்ற போட்டியில் பிரான்ஸ் மற்றும் அர்ஜென்ரீனா போட்டியிட்ட நிலையில் பிரான்ஸ் 4-3 என்ற கணக்கில் வெற்றியீட்டி காலிறுதிக்குள் நுழைந்துள்ளது.

இதனையடுத்து நடைபெற்ற 2வது நொக்அவுட் போட்டியில் ரொனால்டோ தலைமையிலான போர்த்துக்கல அணி முன்னாள் சம்பியனான உருகுவேவை எதிர்கொண்ட நிலையில் உருகுவே அணி 2-1 என்ற கோல் கணக்கில் வெற்றி பெற்றது.
இந்தநிலையில் முதல் காலிறுதி போட்டியில் பிரான்ஸ் மற்றும் உருகுவே அணிகள் போட்டியிடவுள்ளமை குறிப்பிடத்தக்கது