முகமட் சாலா லிவர்பூல் உடனான ஒப்பந்தத்தை நீடித்துள்ளார்.

முகமட் சாலா லிவர்பூல் உடனான தனது ஒப்பந்தத்தை  நீடித்துள்ளார். இதுகுறித்தான அறிவிப்பை வெளியிட்டுள்ள லிவர்பூல் அணி அவரது சம்பளம் குறித்த தகவலை வெளியிடவில்லை.

எகிப்தைச் சேர்ந்த 25 வயதான முகமட் சாலா, தொழில்முறை கால்பந்து போட்டிகளில் லிவர்பூல் அணிக்காக விளையாடி வருகின்றார். பிரிமீயர் லீக் தொடரில் இந்த பருவகாலத்தில் 36 போட்டிகளில் 32 கோல்கள் அடித்துள்ளார். இதற்கு முன்னர் அலன் ஷீரர், கிறிஸ்டியானோ ரொனால்டோ மற்றும் லூயிஸ் சுவாரஸ் ஆகியோர் அடித்த 31 கோல்களே காணப்பட்ட சாதனையை முகமட் சாலா முறியடித்துள்ளார். இந்த பருவகாலத்தில் 51 போட்டிகளில் விளையாடி லிவர்பூல் அணிக்காக 44 கோல்கள் அடித்துள்ளார்.  இவற்றுடன் தேசிய அணிக்காக முகமட் சாலா 57 ஆட்டங்களில் 33 கோல்கள் அடித்து பலம் சேர்த்துள்ளார்.