விஜயகலா மகேஸ்வரன் பதவி விலகியுள்ளார் ?

பதவியைத் துறப்பதன் மூலம் தமிழ் மக்கள் மனங்களைக்
கவர்ந்து விட முடியாது.

‘நாக் குளறிவிட்டது’, என்றோ அன்றி, ‘கசப்பான நடப்பு
நிகழ்வுகள் காரணமாக வேதனையில் அரற்றி விட்டேன்’,
என்றோ கூறிச் சமாளிப்பதை ஏற்க முடியாது. முடிந்தால்,
‘சுய நினைவுடன், கடந்த கால நிலைமை குறித்தும், அன்றைய
ஆட்சியொன்று மலர்வதே நடப்பு அசம்பாவிதங்களுக்குத்
தீர்வாக அமையும், என்றுதான் கூறினேன்’,
எனக் கூற இவரால் முடியுமா?

ஹிட்லர் ஆட்சி அமைத்தாலும் பரவாயில்லை, என்று சொன்ன
பௌத்த பிக்குவின் கூற்றுக்கு எந்தவித எதிர்ப்பையும் காட்டாத
ஆட்சியாளர்கள், இன்று அதையே உதாரணமாகக் காட்டித் தாம்
தப்பித்தாலும், திருமதி. விஜயகலாவை மன்னிக்கப் போவதில்லை.
இவருக்கு எதிரான விசாரணை என்பதே ஒரு மறைமுக
அடக்கு முறையும், இன அவமதிப்பும், என்பதை மறுக்க முடியாது.