குளோபல் தமிழ்ச் செய்தியாளர்
கிளிநொச்சி முரசுமோட்டை றோ. க வித்தியாலயத்தில் யாழ் சுழிபுரம் காட்டுப்புலம் பகுதியைச் சேர்ந்த றெஜினா என்ற மாணவியின் படுகொலை மற்றும் நாடு முழுதும் இடம் பெறும் பெண்கள் , சிறுவர் மீதான வன்கொடுமைகளை கண்டித்தும் இன்று (06-07-2018) வெள்ளிக்கிழமை கவனயீர்ப்பு பேரணி மேற்கொள்ளப்பட்டுள்ளது.
கவனயீர்ப்பு பேரணி முரசுமோட்டை றோ. க வித்தியாலயத்தில் காலை 10 மணியளவில் ஆரம்பமாகி பரந்தன் முல்லை வீதியூடாக முரசுமோட்டை இரண்டாம் கட்டை வரை சென்று அங்கு கவனயீர்ப்பு போராட்டமும் மேற்கொள்ளப்பட்டது
அமெரிக்கன் மிசன் திருச்சபை கோரக்கன் கட்டு பிரதேச சமூக மட்ட அமைப்புக்கள் மற்றும் பொது அமைப்புக்களின் ஏற்பாட்டில் இடம்பெற்ற இந்தப் பேரணியில் அருட்தந்தையர்கள், மனித உரிமை செயற்பாட்டாளர்கள், பாடசாலை மாணவர்கள், பொது அமைப்புக்கள், அப்பிரதேச வர்த்தகர்கள், பெண்கள் அமைப்புக்கள், என பலர் கலந்து கொண்டனர்.
