துன்னாலையில் இறைச்சிக்காக மாட்டினை வெட்டிய இருவர் கைது

குளோபல் தமிழ்ச் செய்தியாளர்

துன்னாலை பகுதியில் அனுமதியின்றி இறைச்சிக்காக மாட்டினை வெட்டிய இருவரை நெல்லியடி காவல்துறையினர் நேற்று புதன்கிழமை கைது செய்துள்ளனர். துன்னாலை பகுதியில் உள்ள காணியொன்றினுள் மாடு வெட்டப்படுவதாக காவல்துறையினருக்கு கிடைத்த தகவலின் அடிப்படையில் அங்கு சென்ற காவல்துறையினர் மாட்டினை வெட்டியவர்களை கைது செய்து விசாரணைகளை மேற்கொண்டனர்.

அதன் போது அவர்கள் அனுமதி பத்திரமின்றி சட்டவிரோதமாக மாட்டினை வெட்டியமை கண்டறிந்தனை அடுத்து வெட்டப்பட்ட இறைச்சியையும் , கைது செய்ப்பட்ட இருவரையும் காவல்துறையினருக்கு நிலையம் கொண்டு சென்றனர். இறைச்சிக்காக வெட்டப்பட்ட மாடு களவாடப்பட்ட மாடா எனும் கோணத்திலும் காவல்துறையினர் விசாரணைகளை முன்னெடுத்துள்ளனர்.