Ireland vs Pakistan
Ireland’s Niall O’Brien during the warm up
Mandatory Credit ©INPHO/Oisin Keniry
அயர்லாந்து கிரிக்கெட் அணியின் நட்சத்திர வீரரான நீல் ஓ பிரையன் சர்வதேச கிரிக்கெட் போட்டிகளிலிருந்து ஓய்வு பெறுவதாக இன்று அறிவித்துள்ளார். அயர்லாந்து அணியின் விக்கட் காப்பாளராகவும் துடுப்பாட்ட வீரராகவும் செயல்பட்டு வந்த 36 வயதுடைய நீல் ஓ பிரையன், 134 சர்வதேச போட்டிகளில் பங்குபற்றியுள்ளதுடன் இந்த ஆண்டு டெஸ்ட் போட்டியிலும் அறிமுகமாகியிருந்தார்.
கடந்த 2002ம் ஆண்டில் இருந்து அயர்லாந்து அணிக்காக விளையாடி வரும் ஓ பிரையன் இதுவரை அயர்லாந்து அணிக்காக மொத்தம் 216 சர்வதேச போட்டிகளில் விளையாடியுள்ளார்.இவர் தனது சகோதரர் கெவின் ஓ பிரையனுடன் இணைந்து பல போட்டிகளில் அயர்லாந்து அணிக்கு வெற்றியை பெற்று கொடுத்துள்ளார்.
அயர்லாந்து அணியின் நட்சத்திர வீரராக திகழ்ந்த இவர் முதல்தர போட்டிகளில் 9,057 ஓட்டங்களைப் பெற்றுள்ளார். வளர்ந்து வரும் கிரிக்கெட் அணிகளுள் ஒன்றான அயர்லாந்து அணியின் முதுகெலும்பாக திகழ்ந்து வந்த ஓ பிரையன் திடீரென இன்று இவ்வாறு ஓய்வை அறிவித்துள்ளமை குறிப்பிடத்தக்கது
