வவுனியா, புதூர் பகுதியில் ஆயுதங்களுடன் சென்ற ஒருவரை சோதனையிட முற்பட்ட போது, அவர் தப்பியோடியமையால் குறித்த பகுதியினை இராணுவத்தினர் சுற்றிவளைத்து தேடுதல் நடவடிக்கையில் தொடர்ச்சியாக ஈடுபட்டுள்ளளதாக தெரிவிக்கப்படுகின்றது.
மேலும் சந்தேகநபர் விட்டுச்சென்ற பையிலிருந்து கைத்துப்பாக்கி, நான்கு கைக்குண்டுகள், கைத்துப்பாக்கிக்கான ரவைகள் உட்பட மேலும் சில பொருட்களை இராணுவத்தினர் மீட்டுள்ளனர் எனவும் தெரிவிக்கப்பட்டுள்ளது.
புதூர் பகுதியில் சந்தேகத்திற்கிடமான முறையில் ஒருவரின் நடமாட்டம் காணப்படுவதாக புளியங்குளம் காவல்துறையினருக்கு கிடைத்த இரகசிய தகவலையடுத்து அப்பகுதியில் பதுங்கியிருந்த காவல்துறையினர் நேற்று இரவு அவ்விடத்திற்கு வந்த குறித்த சந்தேகநபரை, மறித்து சோதனையிட முற்பட்டபோது, தான் கொண்டு வந்த பையை அவ்விடத்தில் எறிந்துவிட்டு காட்டுக்குள் தப்பிச் சென்றுவிட்டதாக காவல்துறையினர் தெரிவித்துள்ளனர்.
அதனை தொடர்ந்து விசேட அதிரடிப்படையினர் மற்றும் இராணுவத்தினர் அவ்விடத்திற்கு வரவழைக்கப்பட்டு சந்தேகநபரை தேடும் நடவடிக்கை முன்னெடுக்கப்பட்டுள்ளதாகவும் தெரிவிக்கப்பட்டுள்ளது.
