ஜா – எலவில் இடம்பெற்ற விபத்தில் இருவர் பலி

ஜா- எல – வெலிகம்பிட்டிய பிரதேசத்தில் ஏற்பட்ட வாகன விபத்தில் இருவர் உயிரிழந்துள்ளதுடன் மற்றுமொருவர் படுகாயமடைந்த நிலையில் வைத்தியாசலையில் அனுமதிக்கப்பட்டுள்ளதாக தெரிவிக்கப்பட்டுள்ளது .

இன்று அதிகாலை வேளை கொழும்பிலிருந்து நீர்கொழும்பு நோக்கி அதிக வேகமாக சென்ற கொள்கலன் பார ஊர்தி வீதியை விட்டு விலகிய வீதியின் அருகில் இருந்த உணவகத்திற்குள் புகுந்துள்ளதுடன் அருகில் இருந்த முச்சக்கரவண்டி ஒன்றுடனும் மோதி விபத்துக்குள்ளாகியுள்ளது.

பாரஊர்தியின் உதவியாளரும் வீதியில் நின்ற ஒருவரும் ஆபத்தான நிலையில் வைத்தியசாலையில் அனுமதிக்கப்பட்ட நிலையில் இருவரும் சிகிச்சை பலனின்றி உயிரிழந்துள்ளனர் என தெரிவிக்கப்பட்டள்ளது

மேலும் சாரதி படுகாயங்களுடன் வைத்தியசாலையில் சிகிச்சைக்காக அனுமதிக்கப்பட்டுள்ளார் எனவும் தெரிவிக்கப்பட்டுள்ளது