177
ஸ்பெயினில் நடைபெற்றுவரும் லா லிகா தொடரில் 400-வது கோலை பதிவு செய்து பார்சிலோனா அணியின் முன்னணி வீரரான லயனல் மெஸ்சி சாதனை படைத்துள்ளார். நேற்றுமுன்தினம் இரவு நடைபெற்ற எய்பர் அணிக்கெதிரான போட்டியின் போது பார்சிலோனா 3-0 என வெற்றி பெற்றது. இதில் நட்சத்திர வீரர் மெஸ்சி ஒரு கோலும், சுவாரஸ் இரண்டு கோல்களும் அடித்தனர்.
இந்த போட்டியில் கோல் அடித்ததன் மூலம் மெஸ்சி லா லிகாவில் 400 கோல்கள் அடித்து சாதனை படைத்துள்ளார். ஐரோப்பிய நாடுகளில் நடைபெறும் முன்னணி ஐந்து லீக் தொடரில் ஒரே தொடரில் 400 கோல்கள் அடித்த முதல் வீரர் என்ற பெருமையை பெற்றுள்ளார்.
அதேவேளை மொத்தமாக அதிக கோல் அடித்தவர்கள் பட்டியலில் மெஸ்சி 2-வது இடம்பிடித்துள்ளார். கிறிஸ்டியானோ ரொனால்டோ 507 போட்டிகளில் விளையாடி 409 கோல்கள் அடித்து முதல் இடத்தில் உள்ளார் என்பது குறிப்பிடத்தக்கது.
Spread the love
