இலங்கை பிரதான செய்திகள்

காவல்துறைக்கு பயந்து கங்கையில் பாய்ந்த இருவர் பலி – கிண்ணியாவில் பதற்றம்


திருகோணமலை கிண்ணியா காவல்துறைப்பிரிவுக்குட்பட்ட கங்கை சாவத்து பாலத்துக்கு அருகில் இன்று காலை முதல் பதற்ற நிலை காணப்படுவதாக தெரிவிக்கப்படுகின்றது. கிண்ணியாப் பகுதியைச் சேர்ந்த மூவர் சட்டவிரோதமாக மணல் ஏற்ற முற்பட்டதாகத் தெரிவித்து, விசேட காவல்துறை அதிரடிப்படையினர், அவர்களைக் கைது செய்ய முயற்சித்த வேளை தப்பிச்செல்ல முற்பட்ட வான் நோக்கித் துப்பாக்கிப் பிரயோகம் மேற்கொள்ளப்பட்டுள்ள நிலையில் அச்சம் காரணமாக அவர்கள் கங்கையில் குதித்த நிலையில் இருவர் நீரில் மூழ்கி உயிரிழந்துள்ளனர் என்பதுடன், மற்றுமொருவர் மீட்கப்பட்டுள்ளார்.

கிண்ணியா, இடிமண் பகுதியைச் சேர்ந்த இருவரே இவ்வாறு உயிரிழந்துள்ளதனையடுத்து, விசேட காவல்துறை அதிரடிப்படையினருக்கும் பிரதேசவாசிகளுக்கும் இடையில் முறுகல் ஏற்பட்டதையடுத்து, அப்பகுதியில் பதற்றம் ஏற்பட்டுள்ளது.

தற்போது குறித்த பகுதியில பாதுகாப்புப் பலப்படுத்தப்பட்டுள்ளதுடன் துப்பாக்கிப் பிரயோகம் தொடர்பில் தீவிர விசாரணைகளை முன்னெடுத்து வருவதாக, கிண்ணியா காவல்துறையினர் தெரிவித்துள்ளனர்.

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.