136
இந்திய பாராளுமன்றத் தேர்தல் ஏப்ரல் 11ம் திகதி தொடங்கி மே மாதம் 19-ம் திகதி வரை நடைபெறும் என தலைமைத் தேர்தல் ஆணையாளர்; சுனில் அரோரா அறிவித்துள்ளார் . நடப்பு மக்களவையில் பதவிக்காலம் வரும் ஜூன் 3-ம் திகதி முடிவடைகின்றது என்பதால், நாட்டில் உள்ள 543 மக்களவைத் தொகுதிகளுக்கும் தேர்தலை நடத்தி முடிக்க தேர்தல் ஆணையம் தீவிரமாகி வருகிறது.
அந்தவகையில் இன்றையதினம் தேர்தல் திகதி இன்று அறிவிக்கப்பட்டது. டெல்லியில் உள்ள விஞ்ஞான் பவனில் தேர்தல் ஆணையாளர் சுனில் ஆரோரா மற்றும் தேர்தல் ஆணையாளர் அசோக் லவசா, சுசில் சந்திரா ஆகியோர் கூட்டாக ஊடகங்களுக்கு தேர்தல் திகதி குறித்த அறிவிப்பை வெளியிட்டுள்ளனர்.
7 கட்டங்களாக தேர்தல் நடைபெற்று இறுதியாக வாக்குப்பதிவு முடிந்து வாக்கு எண்ணிக்கை மே 23-ம் திகதி நடைபெறும் எனவும் தெரிவிக்கப்பட்டுள்ளது
Spread the love
