ஹம்பாந்தோட்டையில், அதிசக்திவாய்ந்த வெடிப்பொருட்கள் மீட்பு….

ஹம்பாந்தோட்டை கீழ் அந்தரவௌ பகுதியில், அதிசக்திவாய்ந்த 250 கிலோ கிராம் வெடிப்பொருட்கள் நேற்றையதினம் சூரியவௌ விசேட அதிரடிப்படையினரால் கைப்பற்றப்பட்டுள்ளதாக தெரிவிக்கப்பட்டுள்ளது. வெடிப்பொருட்களை எடுத்துச் சென்ற பாரவூர்தியை சோதனையிடுவதற்காக நிறுத்தக்கோரி போதும், நிறுத்தாது வேகமாக ஓட்டிச் சென்றுள்ள நிலையில் விசேட அதிரடிப்படையினர் துரத்திச் சென்று பாரவூர்தியை கைப்பற்றியுள்ளதுடன் சந்தேகநபர்கள் இருவரையும் கைது செய்துள்ளனர். இதனையடுத்து கைப்பற்றப்பட்ட வெடி பொருட்களுடன் சந்தேகநபர்கள் ஹம்பாந்தோட்டை காவல்துறையினரிடம் ஒப்படைக்கப்பட்டுள்ள நிலையில் அவர்கள் மேலதிக விசாரணைகளை மேற்கொண்டு வருகின்றனர்.