மட்டக்களப்பு, காத்தான்குடி பகுதியில் ஹெரோயின் விற்பனை மேற்கொள்ளப்பட்டு வந்த, வீடு ஒன்று முற்றுகையிடப்பட்டதுடன் அங்கிருந்த 6 பேர் கைது செய்யப்பட்டுள்ளதுடன் ஹெரோயினும் மீட்கப்பட்டுள்ளதாக தெரிவிக்கப்பட்டுள்ளது
மட்டக்களப்பு மாவட்ட விசேட போதை ஒழிப்பு பிரிவு காவல்துறையினர் மேற்கொண்ட சுற்றிவளைப்பின் போதே இவர்கள் கைது செய்யப்பட்டுள்ளனர் எனத் தெரிவிக்கப்பட்டுள்ளது. காத்தான்குடி 10 ஆம் குறிச்சியில் உள்ள வீடு ஒன்றில் வைத்தே இவர்கள் கைது செய்யப்பட்டதாகவும் இவர்களில் இருவர் போதைப்பொருள் வியாபாரிகள் எனவும் நான்கு பேர் போதைப்பொருள் பாவனையாளர்கள் எனவும் மட்டக்களப்பு மாவட்ட விசேட போதை ஒழிப்பு பிரிவு காவல்துறையினர் தெரிவித்துள்ளனர்.
இவ்வாறு கைது செய்யப்பட்டவர்களும் மீட்கப்பட்ட போதைப்பொருளும் காத்தான்குடி காவல்துறையினரிடம் மேலதிக விசாரணைகளுக்காக ஒப்படைக்கப்பட்டுள்ளனர் எனவும் தெரிவிக்கப்பட்டுள்ளது
