நேபாளத்தில் ஏற்பட்ட கடுமையான புயல், மழை மற்றும் வெள்ளத்தில் சிக்கி 27 பேர் உயிரிழந்துள்ளதுடன் 400க்கும் மேற்பட்டோர் படுகாயமடைந்துள்ளதாக தெரிவிக்கப்பட்டுள்ளது. நேபாளத்தில் கடந்த சில நாட்களாக கன மழை பெய்து வருவதனால் ஏற்பட்ட வெள்ளத்தில் சிக்கியுள்ள மக்கள் பலமாக பரிழக்கப்பட்டுள்ள நிலையில ராணுவத்தினர், காவல்துறையினர் மற்றும் மீட்புப்பணியினர் வெள்ளத்தில் சிக்கிய மக்களை மீட்கும் பணியில் தொடர்ந்து ஈடுபட்டு வருகின்றனர்.
இந்நிலையில் இன்று காலை ஏற்பட்ட புயல் மற்றும் கன மழையில் சிக்கி 27 பேர் உயிரிழந்துள்ளனர் எனவும் மேலும் 400க்கும் மேற்பட்டோர் படுகாயமுற்றனர் எனவும் தெரிவிக்கப்பட்டுள்ளது. காயமடைந்தவர்களை மீட்புபடையினர் மீட்டு மருத்துவமனைக்கு அனுப்பவைத்துள்ளனர் எனத் தெரிவிக்கப்பட்டுள்ளது.
அத்துடன் மீட்புப் பணிகளுக்காக 2 எம் ஐ ரக ஹெலிகொப்டர்கள் தயார் நிலையில் உள்ளது எனவும் சிமரா பகுதியில் மிகப்பெரிய விமானம், மக்களை மீட்க தயார் நிலையில் உள்ளது எனவும் அந்நாட்டு ராணுவ செய்தி தொடர்பாளர் தெரிவித்துள்ளார்.
மேலும் 100க்கும் மேற்பட்ட ராணுவ வீரர்கள் புயல்மழையால் பாதிக்கப்பட்ட இடங்களுக்கு அனுப்பி வைக்கப்ப்பட்டுள்ளனர் எனவும் தொடர்ந்து மீட்புப்பணிகள் தீவிரமாக நடைபெற்று வருகிறது எனவும் அவர் தெரிவித்துள்ளார்.
