Home இலங்கை மானிப்பாயில் வீடுகள் தாக்கப்பட்டமை – இருவர் கைது

மானிப்பாயில் வீடுகள் தாக்கப்பட்டமை – இருவர் கைது

by admin

குளோபல் தமிழ்ச் செய்தியாளர்


மானிப்பாய் பகுதியில் உள்ள மூன்று வீடுகள் தாக்கப்பட்ட சம்பவம் தொடர்பில்,முன்னெடுக்கப்பட்ட விசாரணைகளின் அடிப்படையில் இரண்டு பேர் மானிப்பாய் காவல்துறையினரினால் கைது செய்யப்பட்டுள்ளனர்.

அத்துடன், ஆனைக்கோட்டை பிடாரி அம்மன் கோவிலடியில் உள்ள வீடொன்றிலிருந்து இலக்கத்தகடுகளற்ற மோட்டார் சைக்கிள் ஒன்றும் கைக் கோடரி மற்றும் வாள் என்பன மீட்கப்பட்டுள்ளன என்றும் காவல்துறையினர் தெரிவித்தனர்.

மானிப்பாய் இந்துக் கல்லூரி வீதியிலுள்ள இரண்டு வீடுகள் உள்பட மூன்று வீடுகளுக்குள் நேற்றைய தினம் புதன்கிழமை புகுந்த 9 பேர் கொண்ட கும்பல் அடாவடியில் ஈடுபட்டிருந்தது. இந்த தாக்குதல்களை ஆவா குழுவின் நடத்தினர் என்று காவல்துறையினர் கூறியிருந்தனர்.

இந்த நிலையில் சம்பவம் இடம்பெற்று சில மணி நேரங்களில் கொக்குவில் பகுதியில் வைத்து இளைஞர் இருவர் கைது செய்யப்பட்டுள்ளனர்.

அவர்களிடம் முன்னெடுக்கப்பட்ட விசாரணைகளையடுத்து ஆனைக்கோட்டை பிடாரி கோவிலடியிலுள்ள வீடொன்றிலிருந்து இலக்கத்தகடுகள் இல்லாத மோட்டார் சைக்கிள், கைக்கோடாரி மற்றும் வாள் என்பன மீட்கப்பட்டுள்ளன என்றும் காவல்துறையினர் தெரிவித்தனர்.

 

Spread the love

Related News

This website uses cookies to improve your experience. We'll assume you're ok with this, but you can opt-out if you wish. Accept Read More