நாவாந்துறைப் பகுதியில் வாளை குளத்துக்குள் வீச முற்பட்ட இளைஞன் கைது

குளோபல் தமிழ்ச் செய்தியாளர்

யாழ்ப்பாணம் நாவாந்துறைப் பகுதியில் வாள் ஒன்றை குளத்துக்குள் வீச முற்பட்ட இளைஞன் ஒருவர் காவல்துறையினரால் கைது செய்யப்பட்டுள்ளார்.

நாவாந்துறையில் இன்று அதிகாலை முதல் படையினர் மற்றும் காவல்துறையினரினர்; சுற்றிவளைப்புத் தேடுதல் முன்னெடுக்கப்பட்டபோதே சந்தேகநபர் வாள் ஒன்றுடன் கைது செய்யப்பட்டார்.

சந்தேகநபர் வாளை குளத்துக்குள் வீச முற்பட்ட போது காவல்துறை உத்தியோகத்தர் ஒருவர் கண்டுள்ளதனையடுத்து சந்தேகநபர் அதனை கீழே போட்டுள்ளார்.

சம்பவம் தொடர்பில் விசாரணைகளை மேற்கொண்ட காவல்துறையினர் வாளுடன் சந்தேகநபரை காவல் நிலையத்துக்கு அழைத்துச் சென்றனர்.

#navanthurai #arrest #jaffna