தேசிய காங்கிரஸ் கட்சியின் உயர்பீட உறுப்பினர் ஒருவர் கைது செய்யப்பட்டு விளக்கமறியலில் வைக்கப்பட்டுள்ளார். கடந்த 5 ஆம் திகதி ஞாயிற்றுக்கிழமை அனுராதபுரம் கெக்கிராவ காவல்துறைப் பிரிவிற்குட்பட்ட கனேவல்பொல பகுதியில் கைது செய்யப்பட்டுள்ளதுடன் எதிர்வரும் மே 13 ஆம் திகதி வரை விளக்கமறியலில் வைக்கப்பட்டுள்ளார்.
கல்முனை பகுதியில் இருந்து இருவருடன் குறித்த கட்சி பிரமுகர் கெக்கிராவை பகுதிக்கு சென்ற நிலையில் அங்கு சோதனை நடவடிக்கையில் ஈடுபட்ட பாதுகாப்பு தரப்பினருக்கு முரண்பாடான பதிலளித்தமை மற்றும் சந்தேகத்திற்கிடமாக நடந்து கொண்டமை தொடர்பாக கைது செய்யப்பட்டு தற்போது விளக்கமறியலில் வைக்கப்பட்டுள்ளார்.
இவ்வாறு விளக்கமறியலில் வைக்கப்பட்டுள்ள நபர் வாகனம் ஒன்றை கைமாற்றம் செய்வதற்காக அங்கு சென்றுள்ளமை கண்டுபிடிக்கப்பட்டுள்ளதாக தெரிவித்துள்ள கெக்கிராவை காவல்துறையினர் மேலதிக விசாரணைகளை மேற்கொண்டுள்ளனர்
#anurathapuram #arrest #nationalcongressparty
