12 ஆவது ஐ.பி.எல். தொடரின் இறுதிப்போட்டி இன்றையதினம் நடைபெறவுள்ளது. சென்னை சுப்பர் கிங்ஸ் மற்றும் மும்பை இந்தியன்ஸ் அணிகளுக்கிடையிலான இந்தப் போட்டி, ஹைதராபத்தில் இன்றிரவு ஆரம்பமாகவுள்ளது.
ஐபிஎல்லின் இந்தக் சீசனில் இரு அணிகளுக்குமிடையில் நடைபெற்ற தகுதிச்சுற்று போட்டி உட்பட 3 போட்டிகளிலும் மும்பை அணியே வென்றுள்ள நிலையில் இவ்விரு அணிகளும் நான்காவது தடவையாக போட்டியிடவுள்ளன.
சென்னை அணி இதுவரை 8ஆவது முறையாக இறுதிப் போட்டிக்கு தகுதிப் பெற்றுள்ளதுடன், 3 போட்டிகளில் வெற்றிபெற்று கிண்ணத்தை சுவீகரித்துள்ள அதேவேளை மும்பை அணி 5 ஆவது தடவையாக இறுதிப் போட்டியில் விளையாடுகின்றது.
சென்னை சூப்பர் கிங்ஸ் அணி 2010, 2011, 2018 ஆண்டுகளிலும் மும்பை இந்தியன்ஸ் 2013, 2015, 2017 ஆகிய ஆண்டுகளிலும் ஐ.பி.எல். கிண்ணத்தை சுவீகரித்துள்ளமை குறிப்பிடத்தக்கது.
#ipl #chennaisuperkings #mumbaiindians
