பிரேசில், அர்ஜென்டினா உள்பட 12 அணிகள் பங்கேற்கும் 46-வது கோபா அமெரிக்கா கால்பந்து போட்டி பிரேசிலில் இன்று ஆரம்பமாகின்றது. தென்அமெரிக்க கண்டத்து அணிகளுக்காக நடத்தப்படும் இந்த கோபா அமெரிக்கா கால்பந்து போட்டியானது இன்று ஆரம்பமாகி எதிர்வரும் யூலை 7ம் திகதிவரை நடைபெறவுள்ளது. இதில் 10 தென்அமெரிக்க கண்டத்து அணிகளோடு ஆசிய கண்டத்தை சேர்ந்த ஜப்பான், கட்டார் ஆகிய அணிகள் சிறப்பு அழைப்பின் பேரில் கலந்து கொள்கின்றன.
பங்கேற்கும் 12 அணிகள் 3 பிரிவாக பிரிக்கப்பட்டுள்ள நிலையில் ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை போட்டியிட வேண்டும். லீக் சுற்று நிறைவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் கால்இறுதிக்குள் நுழைவடன் 3-வது இடத்தை பெறும் சிறந்த 2 அணிகளும் கால்இறுதிக்கு தகுதி பெறும்.
இந்தநிலையில் முதல் நாளான இன்று சாவ் பாவ்லோ நகரில் நடக்கும் ஆரம்ப போட்டியில் போட்டியை நடத்தும் பிரேசில் அணி, பொலிவியாவுடன் போட்டியிடவுள்ளமை குறிப்பிடத்தக்கது.
# கோபா அமெரிக்கா கால்பந்து போட்டி #ஆரம்பம் #பிரேசில் #அர்ஜென்டினா
