ஆர்ஜென்டினா மற்றும் உருகுவே நாடுகளில் முழுவதும் மின்சார பழுது காரணமாக மின்தடை ஏற்பட்டுள்ளதாக அந்நாடுகளின் முக்கிய மின்சார விநியோக நிறுவனம் ஒன்று தெரிவித்துள்ளது. இந்த மின்தடை பிரேசில் மற்றும் பரகுவேயின் சில பகுதிகளிலும் ஏற்பட்டுள்ளதாக தெரிழவிக்கப்பட்டுள்ளது. உள்ளூர் நேரப்படி காலை ஏழு மணிக்கு இந்த மின்வெட்டு ஏற்பட்டுள்ளது உனவும் இதனால் புகையிரத சேவைகள் நிறுத்தப்பட்டுள்ளன எனவும் தெரிவிக்கப்பட்டுள்ளது.
மேலும் போக்குவரத்து சிக்னல்கள் பழுதாகியுள்ளன எனவும் இந்த மின் பழுதுக்கான காரணம் என்னவென்று தெரியவில்லை எனவும் தெரிவிக்கப்பட்டுள்ளது. இதேவேளை நாட்டின் சில பகுதிகளில் மின்சாரம் திரும்ப வந்துள்ளது எனத் தெரிவித்துள்ள ஆர்ஜென்டின அதிகாரி ஒருவர் நாடு முழுவதும் மின்சாரம் வருவதற்கு நீண்ட நேரம் ஆகலாம் என தெரிவித்துள்ளார்.
அத்துடன் மின்வெட்டால் குடிநீர் விநியோகம் பாதிக்கப்பட்டுள்ளதால், மக்கள் நீரை சிக்கனமாக பயன்படுத்த வேண்டும் என அர்ஜென்டினாவின் நீர் விநியோக நிறுவனம் எச்சரிக்கை விடுத்துள்ளது.
#ஆர்ஜென்டினா #உருகுவே #மின்சார பழுது #மின்தடை
