கோபா அமெரிக்கா கால்பந்து போட்டி -ஆர்ஜென்டீனா -கொலம்பியா காலிறுதிக்கு முன்னேற்றம்

பிரேஸிலில் நடைபெற்றுவரும் 46-வது கோபா அமெரிக்கா கால்பந்து போட்டியில் ஆர்ஜென்டீனா காலிறுதிப் போட்டிக்கு தகுதிபெற்றுள்ளது. போர்டீ அலெக்ரியில் நேற்றையதினம் நடைபெற்ற போட்டியில் கட்டாரை ஆர்ஜென்டீனா வென்ற நிலையிலேயே இவ்வாறு காலிறுதிப் போட்டிக்குத் தகுதிபெற்றிருந்தது. இந்தநிலையில் மர்க்கானாவில் எதிர்வரும் சனிக்கிழமை இடம்பெறவுள்ள காலிறுதிப் போட்டியில் ஆர்ஜென்டீனா வெனிசுவேலாவை எதிர்கொள்ளவுள்ளது.

அதேவேளை சல்வடோரில் நேற்றையதினம் நடைபெற்ற பராகுவே அணியுடனான போட்டியில் 1-0 என வென்ற கொலம்பியா குழு பியின் அனைத்துப் போட்டிகளிலும் வென்று காலிறுதிப் போட்டிக்குத் தகுதிபெற்றுள்ளது என்பது குறிப்பிடத்தக்கது