உடனுக்கும் அமுலுக்கு வரும் வகையில் சர்வதேச கிரிக்கெட் போட்டிகளிலிருந்து ஓய்வு பெறுவதாக இலங்கை கிரிக்கெட் அணியின் வேகப்பந்துவீச்சாளர் நுவான் குலசேகர அறிவித்துள்ளார்
2003ஆம் ஆண்டு தனது 21ஆவது வயதில் ஒருநாள் சர்வதேசப் போட்டிகளில் அறிமுகமான நுவான் குலசேகர தற்போது 37 வயதாகும் நிலையில் 184 போட்டிகளில் விளையாடி 199 விக்கெட்டுகளைக் கைப்பற்றியிருந்தார்.
இறுதியாக 2017ஆம் ஆண்டு ஒருநாள் சர்வதேசப் போட்டிகளில் விளையாடியிருந்தார்.
சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் 2009ஆம் ஆண்டு மார்ச் மாதத்தில் முதலாமிடத்துக்கு நுவான் குலசேகர முன்னேறியிருந்தார்.
2005ஆம் ஆண்டு டெஸ்ட் போட்டிகளில் அறிமுகமான நுவான் குலசேகர 21 போட்டிகளில் விளையாடி 48 விக்கெட்டுகளைக் கைப்பற்றிருந்தார் என்பது குறிப்பிடத்தக்கது. #சர்வதேச கிரிக்கெட் போட்டி #ஓய்வு#நுவான் குலசேகர ,
