166
தன்சானியாவில் பெற்றோல் பாரவூர்தி ஒன்று கவிழ்ந்து விபத்திற்குள்ளாகி வெடித்ததில் 57 பேர் உயிரிழந்துள்ளதுடன், 65 பேர் காயமடைந்துள்ளனதாக தெரிவிக்கப்பட்டுள்ளது. தான்சானியாவின் தலைநகரான டார் எஸ் சலாம் பகுதியில் இருந்து சுமார் 200 கிலோமீற்றர் தொலைவில் உள்ள மோரோகோரோ என்ற இடத்தில் இந்த விபத்து ஏற்பட்டுள்ளது.
விபத்துக்குள்ளான பாரவூர்தியிலிருந்து பெற்றோல் வீதியில் பெருக்கெடுத்தோடியுள்ள நிலையில் எடுத்துச்செல்வதற்காக மக்கள் குவிந்த போது எதிர்பாராத விதமாக பாரவூர்தி வெடித்துச் சிதறியதில் இவ்வாறு 57 பேர் உயிரிழந்துள்ளனர். மேலும் தீக்காயங்களுடன் 65 பேர் மருத்துவமனைகளில் அனுமதிக்கப்பட்டு சிகிச்சை பெற்று வருவதாகவும் தெரிவிக்கப்பட்டுள்ளது. #தன்சானியா #பெற்றோல் #பாரவூர்தி #விபத்து #tanzania
Spread the love
