காங்கிரஸ் கட்சியின் இடைக்காலத் தலைவராக சோனியா

அகில இந்திய காங்கிரஸ் கட்சியின் இடைக்காலத் தலைவராக சோனியா காந்தி தேர்வு செய்யப்பட்டுள்ளார். மக்களவைத் தேர்தலில் ஏற்பட்ட தோல்விக்குப் பொறுப்பேற்று ராகுல் காந்தி காங்கிரஸ் தலைவர் பதவியிலிருந்து விலகியிருந்தார்.

இதனையடுத்து புதிய தலைவரைத் தேர்வு செய்வதற்காக காங்கிரஸ் கட்சி செயற்குழு டெல்லியில் நேற்று கூடிய போது தலைவர் பதவியில் தொடர ராகுலிடம் மீண்டும் வலியுறுத்திய போதும் ராகுல் காந்தி மறுத்துவிட்டதாக தெரிவிக்கப்படுகின்றது.

இதைத் தொடர்ந்து வடக்கு, மேற்கு, கிழக்கு, வடகிழக்கு, தெற்கு என ஐந்து மண்டலங்களாகப் பிரிக்கப்பட்ட காரியக் செயற்குழு புதிய தலைவரைத் தேர்ந்தெடுப்பது தொடர்பாக ஆலோசனை நடத்திய நிலையில், கட்சியின் இடைக்காலத் தலைவராக சோனியா காந்தி மீண்டும் தேர்ந்தெடுக்கப்பட்டு உள்ளார் என தெரிவிக்கப்பட்டுள்ளது  #காங்கிரஸ் கட்சி #சோனியா #ராகுல்காந்தி