முல்லைத்தீவு கேப்பாபிலவு விமானப்படைத்தள படையினர் மீது தாக்குதல் நடத்திய குற்றச்சாட்டில் இருவர் கைது செய்யப்பட்டுள்ளதாக தெரிவிக்கப்பட்டுள்ளது. நேற்றையதினம் கேப்பாபிலவு விமானப்படைத் தளத்தினை சேர்ந்த விமானப்படையினர் இருவர் பாதுகாப்பு கடமைகள் நிமிர்த்தம் சூரிபுரம் பகுதியில் உள்ள கிராமத்திற்குள் சென்ற போது அங்கு நின்ற இளைஞர்களுக்கும் விமானப் படையினருக்கும் இடையில் ஏற்பட்ட முரண்பாடு கைகலப்பாக மாறியதனையடுத்து விமானப்படையினர் மீது தாக்குதல் மேற்கொள்ளப்பட்டுள்ளது
இதனையடுத்து காயமடைந்த 35 வயதான விமானபடையினர் ஒருவர் முல்லைத்தீவு மாவட்ட வைத்தியசாலையில் அனுமதிக்கப்பட்டுள்ளார். இந்நிலையில் சம்பவம் தொடர்பில் இளைஞர்கள் இருவரை கைது செய்துள்ளதாகவும் அவர்களை இன்று நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாகவும் முள்ளியவளை காவல்துறையினர் தெரிவித்துள்ளனர். #விமானப்படையினர் #தாக்குதல் #இளைஞர்கள் #கைது #கேப்பாபிலவு
