ஒக்டோபர், நவம்பர் மாதங்களில் இந்தியாவில் நடத்த திட்டமிடப்பட்ட 7-வது 20 ஓவர் உலக கிண்ண கிரிக்கெட் போட்டி இந்தியாவில் கொரோனா பரவல் இன்னும் கட்டுக்குள் வராததால் ஐக்கிய அரபு அமீரகத்துக்கு மாற்றப்படுகிறது.
இதுதொடர்பாக அதிகாரபூர்வமாக அறிவிக்கப்படாவிட்டாலும் அமீரகத்தில் போட்டியை நடத்துவதற்குரிய முதற்கட்ட பணிகளை சர்வதேச கிரிக்கெட் பேரவை (ஐ.சி.சி.) ஆரம்பித்து விட்டதாக தொிவிக்கப்படுகின்றது.
கொரோனாவால் ஒத்திவைக்கப்பட்ட எஞ்சிய ஐ.பி.எல். கிரிக்கெட் போட்டி செப்டம்பர் 19-ம் திகதி முதல் ஒக்டோபர் 15-ம் திகதி வரை அமீரகத்தில் நடத்த உத்தேசிக்கப்பட்டு உள்ள நிலையில், ஒக்டோபர் 17-ம் திகதி முதல் நவம்பர் 14-ம்திகதி வரை 20 ஓவர் உலக கிண்ணப் போட்டியை அமீரகத்தின் துபாய், அபுதாபி, சார்ஜா ஆகிய நகரங்களில் நடத்த ஐ.சி.சி. முடிவு செய்திருப்பதாகவும், இதன் ஆரம்பகட்ட சில போட்டிகள் ஓமானில் நடைபெறும் எனவும் தகவல்கள் வெளியாகியுள்ளன.
