ஒருநாள் கிரிக்கெட் தரவரிசையில் பாகிஸ்தான் துடுப்பாட்டவீரா் பாபர் அசாம் தொடர்ந்தும் முதலிடத்தில் உள்ளாா். இங்கிலாந்து அணியுடனான மூன்று போட்டிகள் கொண்ட ஒருநாள் கிரிக்கெட் தொடாின் போது பாகிஸ்தான் அணி மூன்று போட்டிகளிலும் தோல்வியடைந்திருந்தது.
முதல் இரண்டு போட்டிகளில் சொதப்பிய பாகிஸ்தான் அணித்தலைவரான பாபர் அசாம், 3-வது போட்டியில் சிறப்பாக விளையாடி 139 பந்தில் 158 ஓட்டங்களைப் பெற்றிருந்தாா். இதனால் 8 புள்ளிகள் அதிகம் பெற்று 873 புள்ளிகளுடன் ஐசிசி ஒருநாள் கிரிக்கெட் துடுப்பாட்டவீரா்கள் தரவரிசையில் தொடர்ந்து முதல் இடத்தில் நீடிக்கிறார்.
இந்த அணித் தலைவா் விராட் கோலி 16 புள்ளிகள் குறைவாக பெற்று 2-வது இடத்திலும் ரோகித் சர்மா 825 புள்ளிகளுடன் 3-வது இடத்திலும் உள்ளனா். . நியூசிலாந்து வீரா் ராஸ் டெய்லர் 801 புள்ளிகளுடன் 4-வது இடத்திலும், ஆரோன் பிஞ்ச் 791 புள்ளிகளுடன் 5-வது இடத்திலும் உள்ளனர்.
